English (United Kingdom)Lao
ຍິນດີຕ້ອນຮັບ ເຂົ້າສູ່ເວບໄຊ ຂອງ ກົມຄວບຄຸມມົນລະພິດ
PDF ພິມ ອີເມລ
ຂຽນໂດຍ ລາວລໍ ໄຊສື   
ມື້ສຸກທີ່ 28 ກຸມພາ 2014 ເວລາ 09: 42

ການລົງຢ້ຽມຢາມ​ໂຮງງານຫຼອມ​ເຫຼັກ ຫຼັກ 67 ​ເມືອງ​ທ່າ​ພະ​ບາດ



ໃນ​ວັນ​ທີ 6 ກຸມພາ 2014 ກົມຄວບຄຸມມົນລະພິດ ຂອງກຊສ, ພະແນກຊັບພະຍາກອນທໍາມະຊາດ ແລະ ສິ່ງແວດລ້ອມນະຄອນຫລວງ ຮ່ວມ​ກັບ ບໍລິສັດ ບຸນ​ນຳ ​ເກັບ​ຊື້​ເຫຼັກ​ເສດ ສ່ວນ​ບຸກຄົນ ​ໄດ້​ລົງ​ຢ້ຽມ​ຢາມ ​ໂຮງງານ​ຫຼອມ​ເຫຼັກ​ໄຊ​ຫຼົງ ທີ່​ບ້ານ​ນາ​ໄຊ, ຫຼັກ 67 ​ເມືອງ​ທ່າ​ພະ​ບາດ, ​ແຂວງ ບໍລິ​ຄຳ​ໄຊ ທີ່​ນຳ​ໃຊ້​ນ້ຳມັນ​ເຄື່ອງ​ເກົ່າ ​ແລະ ນ້ຳມັນກາ​ແລັດ​ດຳ ຄືນ​ໃໝ່ ​ເປັນ​ວັດຖຸ​ເຊື້ອ​ໄຟ​ປ້ອນ​ໂຮງງານ. ນອກ​ນັ້ນ ກໍ່​ໄດ້​ໄປ​ຢ້ຽມຢາມ ບໍລິສັດ Lao Intrac Gateway  ທີ່ ຫຼັກ 35, ​ເມືອງ​ໄຊ​ທານີ, ນະຄອນຫຼວງ​ວຽງ​ຈັນ ທີ່​ກັ່ນ​ນ້ຳມັນ​ເກົ່າ​ທຸກ​ປະ​ເພດ ມາ​ເປັນ​ນ້ຳມັນ​ຊີວະ​ພາບ ​ແລະ ​ເປັນ​ວັດຖຸ​ດິບ​ປ້ອນ​ໂຮງງານ​ອື່ນໆ.

ຜ່ານ ການ​ຢ້ຽມຢາມ​ຄັ້ງ​ນີ້ ກົມ​ຄວບ​ຄຸມ​ມົນ​ລະ​ພິດ​ມະ​ທັດ​ສະ​ນະ​ຄື:

-      ທັງ​ສອງ​ບໍລິສັດ​ດັ່ງກ່າວ ​ແມ່ນ​ໄດ້​ປະຕິບັດ​ຫຼັກການ 3Rs ຄື: ການ​ຫຼຸດຜ່ອນ, ການ​ນຳ​ໃຊ້​ຄືນ​ໃໝ່ ​ແລະ ຜະລິດ​ຄືນ​ໃໝ່ ສື່​ງ​ເສດ​ເຫຼືອ​ເປິ​ເປື້ອນ ດ້ວຍ​ການ​ລົງມື​ປະຕິບັດ​ຕົວ​ຈິງ ທີ່​ສົມຄວນ​ຕ້ອງ​ຊຸກຍູ້​ສົ່ງ​ເສີມ​ພວກ​ກ່ຽວ ​ໃນ​ການ​ສືບ​ຕໍ່​ດຳ​ເນີນ​ທຸລະ​ກິດ​ເຫຼົ່າ​ນີ້, ​ແຕ່​ເຖິງ​ຢ່າງ​ໃດ​ກໍ່ຕາມ ຍັງ​ມີ​ຫຼາຍ​ບັນຫາ​ມົນ​ລະ​ພິດ ທີ່​ຕ້ອງ​​ໄດ້​ຮ່ວມ​ກັນ​ແກ້​ໄຂ​ດັ່ງ​ລຸ່ມ​ນີ້:

  1. ບັນຫາ​ຄັວນດຳ​ຈຳນວນ​ຫຼວງ​ຫຼາຍ ທີ່​ເກີດ​ຂື້ນ​ໃນ​ເວລາ​ເຜົາ​ຫຼອມ​ເຫຼັກ;
  2. ອຸປະກອນ​ໃນ​ການ​ນຳ​ໃຊ້​ເຂົ້າ​ໃນະຂບວນການ​ຜະລິດ, ອຸປະກອນ​ປ້ອງ​ກັນາ​ຄວາມ​ປອດ​ໄພ​ຂອງ​ກຳມະກອນ ລວມທັງ​ເຄື່ອງນຸ່ງ​ຖື​ຍັງ​ເປັນ​ແບບ​ປະຖົມ​ປະ​ຖານ;
  3. ​ສິ່ງ​ເສດ​ເຫຼືອ​ຈາກ​ການ​ເຜົາ​ຍັງ​ບໍ່​ທັນ​ມີ​ລະບົບ​ການ​ເກັບ​ມ້ຽນ;
  4. ​ເຕັກ​ໂນ​ໂລຢີທີ່​ນຳ​ໃຊ້​ໃນ​ການ​ຈູດ ​ແລະ ການ​ກັ່ນ ນ້ຳມັນ​ເກົ່າ​ທຸກ​ປະ​ເພດ ຍັງ​ຫຼ້າ​ຫຼັງ​ບໍ່​ເໝາະ​ສົມ.

LAST_UPDATED2
ອ່ານເພິ່ມເຕິມ...
 
PDF ພິມ ອີເມລ
ຂຽນໂດຍ ລາວລໍ ໄຊສື   
ມື້ພຸດທີ່ 11 ທັນວາ 2013 ເວລາ 09: 26

 

ກອງປະຊຸມປຶກສາຫາລືການຄ້າຊາຍແດນ ກ່ຽວກັບການຄວບຄຸມ ສານເຄມີທີ່ທຳລາຍຊັ້ນໂອໂຊນ

 

ກອງປະຊຸມດັ່ງກ່າວໄດ້ຈັດຂື້ນໃນວັນທີ 27-29 ພະຈິກ 2013 ທີ່ໂຮງແຮມລ້ານຊ້າງ, ນະຄອນຫຼວງວຽງຈັນ ໂດຍການເປັນປະທານຂອງ   ທ່ານ ອາດສະພັງທອງ ສີພັນດອນ, ຫົວໜ້າກົມພາສີ, ກະຊວງການເງິນ ແລະ ທ່ານ Shaofeng Hu , ຜູ້ປະສານງານເຄື່ອຂ່າຍຂົງເຂດອາຊີຕາເວັນອອກສຽງໃຕ້ ແລະ ປາຊີຟິກ, UNEP ROAP ແລະ ມີຜູ້ເຂົ້າຮ່ວມ ຂອງເຈົ້າໜ້າທີ່ພາສີຈາກ 6 ປະເທດ ອະນຸພາກພື້ນແມ່ນ້ຳຂອງ ຈຳນວນ 37 ທ່ານ,

ຈຸດປະສົງ ຂອງກອງປະຊຸມ ແມ່ນເພື່ອສົ່ງເສີມການຮ່ວມມືອະນຸພາກພື້ນລະຫວ່າງ ໜ່ວຍງານໂອໂຊນ / ພາສີ, ເພື່ອທົບທວນຄືນການຄ້າສານ ODS ແລະ ການຈັດຕັ້ງ ປະຕິບັດການຄວບຄຸມສິນຄ້າຕາມເຂດຊາຍແດນ, ເພື່ອແກ້ໄຂບັນຫາການຄ້າ ODS ທີ່ຜິດກົດໝາຍໂດຍສະເພາະແມ່ນການຄ້າຕາມເຂດຊາຍແດນເປັນຕົ້ນ ແລະ ການສຶກສາກ່ຽວກັບການເຊື່ອມຕໍ່ລະບົບໃບອະນຸຍາດ ຂອງ ສານ ODS ເພື່ອວິເຄາະຄວາມສ່ຽງ ສຳລັບເຈົ້າໜ້າທີ່ພາສີ

LAST_UPDATED2
 
PDF ພິມ ອີເມລ
ຂຽນໂດຍ ລາວລໍ ໄຊສື   
ມື້ສຸກທີ່ 11 ຕຸລາ 2013 ເວລາ 13: 25

ກອງປະຊຸມ ແນະນຳ ແຜນງານຫຼັກດ້ານສິ່ງແວດລ້ອມ ໄລຍະ 2

5 ສິງຫາ 2013 ທີ່ ໂຮງແຮມ ລາວພລາຊາ

ໃນວັນທີ 5 ສິງຫາ 2013 ກົມຄວບຄຸມມົນລະພິດ ກຊສ ໄດ້ຈັດກອງປະຊຸມແນະນຳ ແຜນງານຫຼັກດ້ານສິ່ງແວດລ້ອມ ໄລຍະ 2 ທີ່ ໂຮງແຮມ ລາວພລາຊາ, ນະຄອນຫຼວງວຽງຈັນ ໂດຍການເປັນປະທານ ຂອງ ທ່ານ ນ. ແກ້ວບັງອາ ແກ້ວລາ ຫົວໜ້າ ກົມຄວບຄຸມມົນລະພິດ ເຊິ່ງມີຜູ້ເຂົ້າຮ່ວມ ຈາກ ບັນດາກະຊວງ ແລະ ຂະແໜງການທີ່ກ່ຽວຂ້ອງ ແລະ ຄະນະຮັບຜິດຊອບແຜນງານຫຼັກດ້ານສິ່ງແວດລ້ອມ ທັງໝົດ 50 ທ່ານ.

ກອງປະຊຸມດັ່ງກ່າວ ໄດ້ປຶກສາຫາລື ກ່ຽວກັບ ການລິເລີ່ມຈັດຕັ້ງປະຕິບັດ ແຜນການເຄື່ອນໄຫວ ແລະ ງົບປະມານ ຂອງແຜນງານດັ່ງກ່າວ ທີ່ຈະຖຶກຈັດຕັ້ງປະຕິບັດ ຕາມຄວາມເໝາະສົມ ຂອງ ສປປ ລາວ ໂດຍສະເພາະ ການປຶກສາຫາລື ກ່ຽວກັບ ບັນດາອົງປະກອບ ຂອງແຜນງານຫຼັກດ້ານສິ່ງແວດລ້ອມ ທີ່ພົວພັນກັບ ຂະແໜງການຕ່າງໆ ທາງດ້ານເນື້ອໃນ ແລະ ດ້ານງົບປະມານ ສຳລັບ ຈັດຕັ້ງປະຕິບັດ.

ຜ່ານການປຶກສາຫາລື ກອງປະຊຸມເຫັນດີເປັນເອກະພາບ ຈັດສັນວຽກງານກິດຈະກຳ ໃຫ້ພາກສ່ວນຕ່າງໆ ຮັບຜິດຊອບ ພ້ອມທັງກຳນົດກິດຈະກຳສະເພາະ ເພື່ອເຂົ້າຮ່ວມໃນການຈັດຕັ້ງປະຕິບັດກິດຈະກຳຕ່າງໆ ຂອງແຜນງານດັ່ງກ່າວ ໃນໄລຍະ 2, ໂດຍສະເພາະ ການກຳນົດຄວາມຮັບຜິດຊອບ ຂອງພາກສ່ວນທີ່ກ່ຽວຂ້ອງ ກັບ ການຄຸ້ມຄອງສິ່ງແວດລ້ອມ, ການປ້ອງກັນລະບົບນິເວດ ຜົນກະທົບຈາກການປ່ຽນແປງດິນຟ້າອາກາດ, ການກະສິກຳ, ທ່ອງທ່ຽວແບບອະນຸລັກ ແລະ ການປ່ອຍກາກບອນຕ່ຳ, ການໃຊ້ຊັບພະຍາກອນທຳມະຊາດ ຢ່າງມີປະສິດທິພາບ ແລະ ການສົ່ງເສີມການພັດທະນາສີຂຽວ ແນໃສ່ເອົາເຂົ້າເປັນວຽກງານປະຈຳປີ ຂອງອະນຸພາກພື້ນແມ່ນ້ຳຂອງ.

ແຜນການເຄື່ອນໄຫວໃນຕໍ່ໜ້າ:

ກະກຽມ ເພື່ອສະເໜີຂໍອະນຸມັດ ຈາກກະຊວງ ການຕ່າງປະເທດ ໃນການເປັນເຈົ້າພາບ ຈັດກອງປະຊຸມທົບທວນ ເຄິ່ງປີ ຄັ້ງທີ 8 ຂອງໜ່ວຍປະຕິບັດງານດ້ານສິ່ງແວດລ້ອມ ອະນຸພາກພື້ນແມ່ນ້ຳຂອງ, ໃນວັນທີ 29 ຕຸລາ 2013 ທີ່ແຂວງ ຈຳປາສັກ.

LAST_UPDATED2
 
<< ເລີ່ມຕົ້ນ < ຖອຍຫຼັງ 1 2 3 4 5 6 7 8 9 10 ຕໍ່ໄປ > ສຸດທ້າຍ >>

Page 6 of 11