English (United Kingdom)Lao
ຍິນດີຕ້ອນຮັບ ເຂົ້າສູ່ເວບໄຊ ຂອງ ກົມຄວບຄຸມມົນລະພິດ
PDF ພິມ ອີເມລ
ຂຽນໂດຍ ລາວລໍ ໄຊສື   
ມື້ອັງຄານທີ່ 07 ສິງຫາ 2012 ເວລາ 10: 41

ການ​ສ້າງ​ແຜນ​ຄຸ້ມ​ຄອງ​ສານ​ເຄມີ​ທີ່​ທຳລາຍ​ຊັ້ນ​ໂອ​ໂຊນ HCFCs

 

ໃນ​ລະຫວ່າງວັນ​ທີ 6-8 ມີ​ຖຸນາ 2012 ພະ​ແນ​ກປະສານ​ງານ​ສິ່ງ​ແວດ​ລ້ອມ ​ແລະສັງຄົມຂອງກົມ​ຄວບ​ຄຸມ​ມົນ​ລະ​ພິດ ກະຊວງຊັບພະຍາກອນ​ທຳ​ມະ​ຊາດ ​ແລະສິ່ງ​ແວດ​ລ້ອມ ​ໄດ້​ຈັດ​ກອງ​ປະຊຸມ​ປຶກສາ​ຫາລືກະກຽມ​ການຈັດຕັ້ງ​ປະຕິບັດ​ແຜ​ນງານ​ແຫ່ງ​ຊາດວ່າ​ດ້ວຍການ​ຫຼຸດຜ່ອນ ​ແລະຢຸດຕິ​ການ​ນຳ​ໃຊ້​ສານ HCFCs (HPMP) ຊຶ່ງລວມທັງ (1). ການ​ລາຍ​ງານຄວາມ​ຄືບ​ໜ້າຂອງ​ການ​ປ່ຽນ​ແປງ​ເງິນ​ຊ່ວຍ​ເຫຼືອ​ຂອງHPMPຈາກ​ການ​ປ່ຽນ​ແປງ​ປະລິມານການ​ນຳ​ໃຊ້​ສານHCFCs ​ໃນ​ປີ 2009 ຂອງສປປລາວ. (2) ບັນດາ​ໜ້າ​ວຽກ​ທີ່​ຕ້ອງການ​ຈັດ​ຕັ້ງ​ປະຕິບັດ ​ໃນ​ປີ 2012 ​ແລະ 2012. (3) ການ​ຄວບ​ຄຸມ​ການ​ນຳ​ເຂົ້າ/ສົ່ງ​ອອກ, ການ​ນຳ​ໃຊ້​ໂຄ​ຕ້າ ​ແລະ (4) ບົດຮຽນ​ຈາກ​ກົມ​ຄວບ​ຄຸມ​ມົນ​ລະ​ພິດ, ໜ່ວຍ​ງານ​ໂອ​ໂຊນຂອງປະ​ເທດ​ກຳປູ​ເຈຍກ່ຽວ​ກັບການ​ຄວບ​ຄຸມການ​ນຳ​ເຂົ້າ-ສົ່ງ​ອອກ, ຜ່ານ​ແດນສານHCFCs, ໂດຍມີ​ຜູ້​ເຂົ້າ​ຮ່ວມ​ຈາກກົມ​ພາສີ, ກະຊວງການ​ເງິນ, ກົມ​ນຳ​ເຂົ້າ-ສົ່ງ​ອອກ, ກົມ​ສົ່ງ​ເສີມ​ການ​ລົງທຶນ​ທົ່ວ​​ໄປ, ກົມ​ການ​ຄ້າ​ພາຍ​ໃນ, ກົມ​ການ​ຄ້າຕ່າງປະ​ເທດ, ກົມອຸດສາຫະກຳ, ກະຊວງອຸດສາຫະກຳແລະການຄ້າ, ບັນດາອາຈານຈາກໂຮງຮຽນການຊ່າງເຕັກນິກ, ບໍລິສັດນຳເຂົ້າ-ສົ່ງອອກ. ນອກນັ້ນຍັງມີທ່ານ Shao Feng Hu, Regional Network Coordination ສຳລັບອາຊີ​ຕາ​ເວັນ​ອອກ​ສ່ຽງ​ໃຕ້ ​ແລະປາຊີ​ຟິກ (SEA), ທ່ານ Pak SOKHARAVUTH ຮອງ​ຫົວໜ້າ​ກົມ​ຄວບ​ຄຸມ​ມົນ​ລະ​ພິດ, ໜ່ວຍ​ງານ​ໂອ​ໂຊນ, ກະຊວງສິ່ງ​ແວດ​ລ້ອມປະ​ເທດ​ກຳປູ​ເຈຍ ​ແລະທ່ານພິພັດພູ​ພິຣະສຸ​ພົງທີ່​ປຶກສາຂອງ UNEP ລວມທັງ​ໝົດ 20 ທ່ານ.

LAST_UPDATED2
ອ່ານເພິ່ມເຕິມ...
 
PDF ພິມ ອີເມລ
ຂຽນໂດຍ ລາວລໍ ໄຊສື   
ມື້ອັງຄານທີ່ 02 ຕຸລາ 2012 ເວລາ 14: 24

 

ຝຶກອົບຮົມ ກ່ຽວກັບ ບັນຫາມົນລະພິດດ້ານສິ່ງແວດລ້ອມໃຫ້ນ້ອງນັກຮຽນຂັ້ນມັດທະຍົມ

ເພື່ອເປັນການສ້າງຄວາມຮູ້ ແລະ ຄວາມເຂົ້າໃຈໃຫ້ແກ່ບັນດານັກຮຽນ ທີ່ມາຈາກ ໂຮງຮຽນ ມັດທະຍົມຕອນຕົ້ນ ແລະ ຕອນປາຍ ຂອງ 4 ຕົວເມືອງ ຄື: ເມືອງສີໂຄດຕະບອງ, ເມືອງຈັນທະບູລີ, ເມືອງສີສັດຕະນາກ ແລະ ເມືອງ ໄຊທານີ ລວມມີ: ມັດທະຍົມຈັນທະບູລີ, ມັດທະຍົມສີໄຄດ, ມັດທະຍົມໂພນຄຳ, ມັດທະຍົມທົ່ງປົ່ງດ ມັດທະຍົມເພຍວັດ, ມັດທະຍົມທາດຂາວ, ມັດທະຍົມຕານມີໄຊ ແລະ ມັດທະຍົມສາທິດ. ກ່ຽວກັບ ການຄຸ້ມຄອງສິ່ງແວດລ້ອມທີ່ຕິດພັນກັບ ບັນຫາມົນລະພິດ ທັງເປັນການເຜີຍແຜ່ ປຸກຈິດສຳນຶກ ແລະ ມີສ່ວນຮ່ວມ ຂອງນ້ອງນັກຮຽນ ໃນການປົກປັກຮັກສາ ແລະ ປ້ອງກັນບັນຫາມົນລະພິດຕ່າງໆ ເປັນຕົ້ນ ມົນລະພິດທາງອາກາດ, ນ້ຳ, ຂີ້ເຫຍື້ອ ແລະ ສານເຄມີຕ່າງໆ ຊຶ່ງໃນປັດຈຸບັນນີ້ ບັນຫາ ມົນລະພິດ ທີ່ເກີດຈາກການນຳໃຊ້ພາຫະນະ, ສິ່ງເສດເຫຼືອ (ຂີ້ເຫຍື້ອ) ແລະ ມົນລະພິດຈາກຂະບວນການຜະລິດຕ່າງໆ ຂອງບັນດາໂຮງຈັກໂຮງງານ.

LAST_UPDATED2
ອ່ານເພິ່ມເຕິມ...
 
PDF ພິມ ອີເມລ
ຂຽນໂດຍ ລາວລໍ ໄຊສື   
ມື້ສຸກທີ່ 21 ກັນຍາ 2012 ເວລາ 14: 32

ສປປ ລາວ ສະຫຼອງວັນໂອໂຊນສາກົນ ຄົບຮອບ 25 ປີ

ກະ­ຊວງ​ຊັບ­ພະ­ຍາ­ກອນ​ທຳ​ມະ​ຊາດ ແລະ ສິ່ງ­ແວ­ດລ້ອມ ຮ່ວມ​ກັບ​ມະ­ຫາ­ວິ­ທະ­ຍາ­ໄລ​ແຫ່ງ​ຊາດ​ລາວ ຈັດ​ພິ­ທີ​ສະ­ເຫຼີມ­ສະ­ຫຼອງ​ວັນ​ໂອ​ໂຊນ​ສາ­ກົນ ຄົບ­ຮອບ 25 ປີ (1987-2012) ຂຶ້ນ​ໃນ​ວັນ​ທີ 14ກັນ­ຍາ 2012 ຢູ່​ທີ່​ສະ­ໂມ­ສອນ​ຄະ­ນະ​ເສດ­ຖະ­ສາດ ແລະ ບໍ­ລິ­ຫານ​ທຸ­ລະ​ກິດ (ມ.ຊ) ໂດຍ​ການ​ເຂົ້າ​ຮ່ວມ​ຂອງ​ທ່ານ ຮສ.ດຣ. ສົມ​ສີ ຍໍ​ພັນ​ໄຊ ຮອງ​ອະ­ທິ­ການ​ບໍ­ດີ ມະ­ຫາ­ວິ­ທະ­ຍາ­ໄລ​ແຫ່ງ​ຊາດ ພ້ອມ​ດ້ວຍ​ຜູ້­ຕາງ­ໜ້າ​ຈາກ​ກະ­ຊວງ ແລະ ອາ­ຈານ-ນັກ​ສຶກ​ສາ​ກ່ຽວ­ຂ້ອງ.

ທ່ານ​ນາງ ແກ້ວ​ບັງ​ອາ ແກ້ວ​ລາ ຫົວ­ໜ້າ​ກົມ​ຄວບຄຸມມົນ​ລະ​ພິດ ທັງ​ເປັນ​ຜູ້​ປະ­ສານ​ງານ​ອະ­ນຸ​ສັນ­ຍາ​ມົງ​ເຣ​ອານ ກ່າວ​ວ່າ: ເປົ້າ​ໝາຍ​ການ​ສະ­ຫຼອງ​ວັນ​ໂອ​ໂຊນ​ສາ­ກົນ​ຄັ້ງ​ນີ້ ເພື່ອ​ເຜີຍ­ແຜ່​ຄວາມ​ໝາຍ​ຄວາມ​ສຳ­ຄັນ​ຂອງ​ການ​ປົກ​ປັກ​ຮັກ­ສາ​ສິ່ງ­ແວ­ດລ້ອມ​ທາງ​ອາ­ກາດ ຫຼຸດ­ຜ່ອນ​ມົນ​ລະ​ພິດ​ທີ່​ກໍ່­ໃຫ້­ເກີດ​ຄວາມ​ເສຍ​ຫາຍ​ທາງ​ດ້ານ​ສຸ­ຂະ­ພາບ​ຂອງ​ສິ່ງ​ມີ​ຊີ­ວິດ​ໃນ​ໂລກ ພ້ອມ​ນັ້ນ​ຍັງ​ແນ­ໃສ່​ປຸກ­ລະ­ດົມ​ໃຫ້​ທຸກ​ພາກ­ສ່ວນ​ກ່ຽວ­ຂ້ອງ​ກຳ​ໄດ້ ແລະ ເປັນ​ເຈົ້າ​ການ​ໃນ​ການ​ສະ­ກັດ​ກັ້ນ​ຂັ້ນ​ຕອນ​ຕ່າງໆ​ທີ່​ເປັນ​ການ​ທຳ­ລາຍ​ຊັ້ນ​ໂອ​ໂຊນ​ຂອງ​ໂລກ ສຳ­ລັບ ສປປ ລາວ ໄດ້​ເຂົ້າ​ເປັນ​ສະ­ມາ­ຊິກ​ຂອງ​ສົນ­ທິ­ສັນ­ຍາ​ວຽນ​ນາ ວ່າ​ດ້ວຍ​ຊັ້ນ​ໂອ​ໂຊນ ແຕ່​ປີ 1989 ເປັນ­ຕົ້ນ​ມາ

LAST_UPDATED2
ອ່ານເພິ່ມເຕິມ...
 
<< ເລີ່ມຕົ້ນ < ຖອຍຫຼັງ 1 2 3 4 5 6 7 8 9 10 ຕໍ່ໄປ > ສຸດທ້າຍ >>

Page 9 of 11