English (United Kingdom)Lao
ຍິນດີຕ້ອນຮັບ ເຂົ້າສູ່ເວບໄຊ ຂອງ ກົມຄວບຄຸມມົນລະພິດ
PDF ພິມ ອີເມລ
ຂຽນໂດຍ ລາວລໍ ໄຊສື   
ມື້ອັງຄານທີ່ 07 ສິງຫາ 2012 ເວລາ 10: 18

ການ​ເຄື່ອນ​ໄຫວ​ວຽກ​ງານ​ໂຄງການ LPPE


ເພື່ອ​ເປັນ​​ຕົວ​ເມືອ​ງທີ່​ຍືນ​ຍົງ ທາງ​ດ້ານ​ສິ່ງ​ແວດ​ລ້ອມ (ຂຽວ, ສະອາດ ​ແລະ ງາມ​ຕາ) ​ແລະ ​ເປັນ​ການ​ຫຼຸດຜ່ອນ​ຄວາມ​ແຕກ​ໂຕນ​ກັນ ຂອງ ສປປ ລາວ ​ໃນ​ການ​ເຊື່ອ​ໂຍງ​​ເຂົ້າ​ອາ​ຊຽນ. ສະ​ນັ້ນ ລັດຖະບານ ​ແຫ່ງ ສປປ ລາວ ຈິ່ງ​ໄດ້​ມີ​ແຜນ ການ​ເຄື່ອນ​ໄຫວ ຈັດ​ຕັ້ງປະຕິບັດວຽກ​ງານ​ຮ່ວມ​ກັບຄະນະ​ທີ​ມ ງານຊ່ຽວຊານ ຂອງ​ໂຄງການ​ຕົວ​ແບບ LPPE ຮ່ວມ​ມື​ສາມ​ຝ່າຍ ລະຫວ່າງ ສປປ ລາວ-ກອງ​ເລຂາ​ອາ​ຊຽນ-ອົງການ​ໄຈ​ກາ ​ແຕ່​ວັນ​ທີ 25 ສິງຫາ 2011​ ​ໂດຍ​ແມ່ນ ກົ​ມຄວບ​ຄຸມ​ມົນ​ລະ​ພິດ ຂອງ​ກະຊວງ ຊັບພະຍາກອນ​ທຳ​ມະ​ຊາດ ​ແລະ ສິ່ງ​ແວດ​ລ້ອມ​ ເປັນ​ຜູ້​ຕັດ​ຕັ້ງ​ປະຕິບັດ​.

ຈຸດປະສົງ​ຂອງ​ໂຄງການ ​​​ເພື່ອ​ສົ່ງ​ເສີມ​ໃຫ້​ມີ​ຄວາມ​ຍືນ​ຍົງ​ທາງ​ດ້ານ​ສິ່ງ​ແວດລ້ອມ ​ໃນ​ຕົວ​ເມືອງ​ຢູ່ ສປປ ລາວ ​ແລະ ​​​ເພືອ​ປະຕິບັດ​ຕາມ​ຍຸດ​ທະ​ສາດ ກ່ຽວ​ກັບ ຄວາມ​ຍືນ​ຍົງ​ດ້ານ​ສິ່ງ​ແວດ​ລ້ອມ​ແຫ່ງ​ຊາດ ​ແຕ່​ນີ້ ຮອກ​ປີ 2020. ສຳ​ລັບ ​ໂຄງການLPPE ​ໃນ​ການ​ຄຸ້ມ​ຄອງ​ຂີ້​ເຫ​ຍື້ອຢູ່ ​3 ​ເມືອງຕົວ​ແບບ ​ແລະ ສົ່ງ​ເສີມ​ຊຸມ​ຊົນ​ໃນ​ການຄຸ້ມ​ຄອງ ​ແລະ​ ​ກຳຈັດ​ຂີ້​ເຫ​ຍື້ອ, ສ້າງ​ຄວາມ​ອາດ​ສາມາດ​​ໃຫ້​ແກ່​ບັນດາ​ພະນັກງານ​ທັງ​ສູນ​ກາງ ​ແລະ

LAST_UPDATED2
ອ່ານເພິ່ມເຕິມ...
 
PDF ພິມ ອີເມລ
ຂຽນໂດຍ ລາວລໍ ໄຊສື   
ມື້ພະຫັດທີ່ 09 ສິງຫາ 2012 ເວລາ 11: 04

ຖອດ​ຖອນ​ບົດຮຽນ ​ໃນ​ການ​ກຳຈັດ​ຂີ້​ເຫຍື້ອ​ທີ່​ຕິດ​ເຊື້​ອຈາກ​ໂຮງ​ໝໍທີ່ ສ.ສຫວຽດນາມ

 

ໃນ​ລະຫວ່າງ​ວັນ​ທີ 10-15 ມິຖຸນາ 2012 ຄະນະ​ຮັບ​ຜິດ​ຊອບ​ໂຄງການ (LPPE)ກົ​ມຄວບ​ຄຸມ​ມົນ​ລະ​ພິດຂອງກະຊວງຊັບພະຍາກອນ​ທຳ​ມະ​ຊາດ ​ແລະ ສິ່ງ​ແວດລ້ອມ ​ແລະຂະ​ແໜງ​ການ​ທີ່​ກ່ຽວຂ້ອງ ​ໄດ້​ໄປທັດສະນະ​ສຶກສາ ​ເພື່ອ​ແລກປ່ຽນ​ບົດຮຽນ​ ​ແລະ ປະສົບ​ການກ່ຽວ​ກັບການ​ຄຸ້ມ​ຄອງ ​ແລະ ການ​ຈຳກັດ​ຂີ້  ​ເຫື້​ຍອຕ່າງໆ ທີ່​ປະ​ເທດສສຫວຽດນາມ ​ເຊັ່ນ: ການ​ກຳຈັດຂີ້​ເຫື້​ຍອທີ່​ຕິດ​ເຊື້​ອຈາກ​ໂຮງໝໍຕ່າງໆ ​ແລະສະຖານ​ທີ່​ເກັບ​ຂີ້​ເຫື້​ຍອ, ​ໂຮງງານ​ຜະລິດ​ຝຸ່ນ​ຊີວະ​ພາບ​ຈາກ​ຂີ້​ເຫື້​ຍອ, ບ່ອນ​ບຳບັດ​ນ້ຳ​ເປື້​ອນຈາກ​ຕົວ​ເມືອງ.

ການ​ໄປ​ທັດສະນະ​ສຶກສາ​ຄັ້ງ​ນີ້ ​​ແມ່ນ​ເພື່ອຮຽນ​ຮູ້ ກ່ຽວ​ກັບວິທີ​ການ​ຈັດການຄຸ້ມ​ຄອງ ​ແລະກຳຈັດ​ຂີ້​ເຫື້​ຍອທົ່ວ​ໄປ,  ​ແລະຂີ້​ເຫື້​ຍອທີ່​ຕິດ​ເຊື້ອ​ຈາກ​ໂຮງໝໍ, ພ້ອມ​ທັງ​ວີ​ທີ​ການ​ແຍກ​ຂີ້​ເຫື້​ຍອທີ່​ຕິດ​ເຊື້ອຈາກ​ໂຮງໝໍ​ຕ່າງໆ ​ເພື່ອ​ປະຢັດ​ຕົ້ນ​ທຶນ ​ໃນ​ການ​ກຳຈັດ. ນອກ​ນັ້ນການ​​​ໄປ​ແລກປ່ຽນ​ບົດຮຽນ ​ແລະປະສົບ​ການ​ໃນ​ຄັ້ງ​ນີ້ ​​ຍັງເປັນ​ກິດຈະກຳ​ໜຶ່ງ​ທີ່​ນອນ​ໃນ​ແຜນ​ງານກ່ຽວ​ກັບ​ການ​ຈັດ​ຕັ້ງ​ປະຕິບັດ LPPE ​ເພື່ອ​ການ​ພັດທະນາ​ຕົວ​ເມືອງ ​ໃຫ້​ຍືນ​ຍົງທາງ​ດ້ານ​ສິ່ງ​ແວ​ດລ້ອມ (ຂຽວ, ​ສະອາດ ​ແລະ ງາມ​ຕາ) ຂອງ​ໂຄງການ​ຕົວ​ແບບ ​ໃນ​ການ​ຫຼຸດຜ່ອນ​ຄວາມ​ແຕກ​ໂຕນ​ກັນຂອງສປປລາວ ​ໃນ​ການ​ເຊື່ອມ​ໂຍງ​ເຂົ້າ​ອາ​ຊຽນ.

LAST_UPDATED2
 
PDF ພິມ ອີເມລ
ຂຽນໂດຍ ລາວລໍ ໄຊສື   
ມື້ຈັນທີ່ 23 ກໍລິກົດ 2012 ເວລາ 13: 14

ການຄຸ້ມຄອງບັນຫາສິ່ງແວດລ້ອມໃນຕົວເມືອງ

 

ພື່ອເປັນການທົບທວນຄວາມຄືບໜ້າ ຂອງການຈັດຕັ້ງປະຕິບັດໜ້າວຽກ Laos Pilot Program Environmental (LPPE)  ໃນ  1 ເດືອນຜ່ານມາ ແລະ ວາງແຜນວຽກເຄື່ອນໄຫວໃນຕໍ່ໜ້າ, ສະນັ້ນ ກົມຄວບຄຸມມົນລະພິດ ກະຊວງ ຊັບພະຍາກອນທຳມະຊາດ ແລະ ສິ່ງແວດລ້ອມ ຈື່ງໄດ້ຈັດກອງປະຊຸມ ປະຈຳເດືອນ ພືດສະພາ 2012 ຂື້ນ ໃນວັນທີ 14 ພືດສະພາ 2012 ທີ່ຫ້ອງປະຊຸມ ກົມຄວບຄຸມມົນລະພິດ ພາຍໃຕ້ ການເປັນປະທານຂອງ ທ່ານ ນ. ແກ້ວບັງອາ ແກ້ວລາ ຫົວໜ້າກົມຄວບຄຸມມົນລະພິດ ໂດຍມີພະນັກງານວິຊາການ, ຜູ້ຕາງໜ້າ ຈາກຂະແໜງການທີ່ກ່ຽວຂ້ອງ ຈາກພະແນກຊັບພະຍາກອນທຳມະຊາດ ແລະ ສິ່ງແວດລ່້ອມ ນະຄອນຫຼວງວຽງຈັນ ແລະ ບັນດາຊ່ຽວຊານໂຄງການເຂົ້າຮ່ວມທັງໝົດ 13 ທ່ານ.

ຜ່ານການປຶກສາຫາລື ໃນຄັ້ງນີ້ ທີ່ປະຊຸມ ເຫັນດີ ສະເໜີໃຫ້ ກະຊວງ ຊັບພະຍາກອນທຳມະຊາດ ແລະ ສິ່ງແວດລ້ອມ (ກຊສ) ແຕ່ງຕັ້ງຜູ້ຮັບຜິດຊອບ ແລະ ຜູ້ປະສານງານຈາກຂະແໜງການທີ່ກ່ຽວຂ້ອງ ເຮັດວຽກກັບທິມງານຊ່ຽວຊານ ຂອງໂຄງການ LPPE ພາຍໃຕ້ ການຊີ້ນໍາລວມ ຂອງຫົວໜ້າກົມຄວບຄຸມມົນລະພິດ, ໂດຍສະເພາະ ແມ່ນຜູ້ປະສານງານ ຂອງກະຊວງ ສາທາລະນະສຸກ ເພື່ອກຳຈັດຂີ້ເຫື້ຍອ ທີ່ເປັນອັນຕະລາຍຈາກໂຮງໝໍ ແລະ ທຸກພາກສ່ວນທີ່ກ່ຽວຂ້ອງ ຈາກຂະແໜງການຂັ້ນສູນກາງ ແລະ ທ້ອງຖິ່ນຕ້ອງສ້າງແຜນການເຄື່ອນໄຫວ ຂອງຕົນເອງໃຫ້ສອດຄ່ອງກັບ ແຜນການ ປະຈຳເດືອນ, ປະຈຳງວດ, ປະຈຳປີ ເຖິງປີ 2015 ທີ່ທາງ ຊ່ຽວຊານໂຄງການ LPPE ໄດ້ສ້າງຂື້ນມາ ເພື່ອກໍານົດຄວາມຮັບຜິດຊອບ ຂອງແຕ່ລະພາກສ່ວນ ທີ່ກ່ຽວຂ້ອງໃຫ້ຈະແຈ້ງ ແນໃສ່ຫຼີກລ່ຽງ ຫຼືຫຼຸດຜ່ອນ ການແກ້ໄຂບັນຫາທີ່ເຄີຍເກີດຂື້ນມາແລ້ວ ແລະ ແນໃສ່ສະເໜີນໍາໃຊ້ງົບປະມານ ຂອງໂຄງການໃຫ້ມີປະສິດທິຜົນ ແລະ ໃຫ້ເປັນໄປຕາມແຜນການທີ່ວາງອອກ ນັບແຕ່ເດືອນ ພຶດສະພາ 2012 ເປັນຕົ້ນໄປ.

LAST_UPDATED2
 
ບົດຄວາມ ອື່ນ ໆ...
<< ເລີ່ມຕົ້ນ < ຖອຍຫຼັງ 1 2 3 4 5 6 7 8 9 10 ຕໍ່ໄປ > ສຸດທ້າຍ >>

Page 10 of 11