English (United Kingdom)Lao
PDF ພິມ ອີເມລ
ຂຽນໂດຍ ລາວລໍ ໄຊສື   
ມື້ພະຫັດທີ່ 15 ພຶດສະພາ 2014 ເວລາ 09: 46

ການ​ວິ​ເຄາະຂໍ້​ມູນ ການ​ຄຸ້ມ​ຄອງ​ສິງ​ແວດ​ລ້ອມ​ທີ່​ພົວພັນ​ກັບ​ບັນຫາ​ມົນ​ລະ​ພິດ​

ຈາກ​ຂະ​ບວນການ​ຜະລິດ​ຂອງ​ໂຮງງາ​ອຸດສາຫະກຳ

ກົມ​ຄວບ​ຄຸມ​ມົນ​ລະ​ພິດ, ກຊສ ​ໃນ​ນາມ​ເປັນ​ຈຸດ​ປະສານ​ງານ ໜ່ວຍ​ປະຕິບັດ​ງານ​ດ້ານ​ສິ່ງ​ແວດ​ລ້ອມ ​ແລະ ​ເປັນ​ຄະນະ​ຮັບຜິດຊອບ​ສັນຍາ (LOA) ພາຍ​ໃຕ້ CEP-II ​ໄດ້​ດຳ​ເນີນ​ເກັບ​ກຳ​ຂໍ້​ມູນ ​ແລະ ​ເຮັດ​ການ​ວິ​ເຄາະ​ຂໍ້​ມູນ ​ເພື່ອ​ກຳນົດ​ຈຸດ​ທີ່​ຕັ້ງ​ ຂອງ​ບັນດາ​ໂຮງງານ​ອຸດສາຫະກຳ​ເປົ້າ​ໝາຍ ຂອງ​ໂຄງການ​ພາຍ​ໃນ​ ແຂວງ ບໍລິ​ຄຳ​ໄຊ. ດັ່ງ​ນັ້ນ ໃນ​ວັນ​ທີ 8 ພຶດສະພາ 2014, ກົມ​ຄວບ​ຄຸມ​ມົນ​ລະ​ພິດ, ກຊສ ​ຈຶ່ງໄດ້​ຈັດ​ກອງ​ປະຊຸມ ກ່ຽວ​ກັບ ການ​ວິ​ເຄາະ​ຂໍ້​ມູນ​ການ​ຄຸ້ມ​ຄອງ​ສິ່ງ​ແວດ​ລ້ອມ ທີ່​ພົວພັນ​ກັບ​ບັນຫາ​ມົນ​ລະ​ພິດ ຈາກ​ຂະ​ບວນການ​ຜະລິດ​ຂອງ​ໂຮງງານ​ອຸດສາຫະກຳ, ຢູ່ທີ ​ໂຮງ​ແຮມ​ໂສກ​ບຸນ​ມາ ​ແຂວງ​ບໍລິ​ຄຳ​ໄຊ, ​ໂດຍ​ການ​ເປັນ​ປະທານ​ຂອງ ທ່ານ ນ. ​ແກ້ວ​ບັງອາ ​ແກ້ວ​ລາ ຫົວໜ້າ​ກົມ​ຄວບ​ຄຸມ​ມົນ​ລະ​ພິດ, ກຊສ ​ແລະ ມີ​ຜູ້​ຕາງໜ້າຈາກ​ຂະ​ແໜງ​ການ ທີ່​ກ່ຽວ​ຂ້ອງ ທັງ​ພາຍ​​​ໃນກົມ​ກອງ, ສະ​ຖາ​ບັນ, ກະຊວງອ້ອມຂ້າງ ​ແລະ ພະ​ແນ​ກຊັບພະຍາກອນ​ທຳ​ມະ​ຊາດ ​ແລະ ສິ່ງ​ແວດ​ລ້ອມ ​ແຂວງ ບໍລິຄຳ​ໄຊ ​ແລະ ໜ່ວຍງານ​ສະໜັບສະໜູນ​ດ້ານ​ວິ​ຊາ​ການ (NSU) ລວມທັງ​ໝົດ 40 ທ່ານ. ນອກ​ນັ້ນ ຍັງ​ມີ​ຊ່ຽວຊານ​ຈາກ ທະນາຄານ​ພັດທະນາ​ອາຊີ ADB ​ເປັນ​ຄູ​ຝຶກ ​​ເພື່ອ​ຖ່າຍ​ທອດ​ບົດຮຽນ ປະສົບ​ການ​ໃນ​ການ​ສັງ​ເກດ ​ແລະ ປະ​ເມີນ​ຜົນ​ຈາກ​ຂະ​ບວນການ​ຜະລິດ​ຂອງ​ໂຮງງານ​ອຸດສາຫະກຳ​ຕ່າງໆ.

ຈຸດປະສົງ​ຂອງ​ກອງ​ປະຊຸມ​ປຶກສາ​ຫາລື​ຄັ້ງ​ນີ້

-       ​ເພື່ອ​​ຍົກ​ລະດັບ​ຄວາມ​ຮູ້​ຄວາມ​ເຂົ້າ​​ໃຈ​ໃຫ້​ໜ່ວຍ​ງານ​ສະໜັບສະໜູນ​ທາງ​ດ້ານ​ວິຊາ​ການ ​(NSU) ໃນ​ການ​ຮ່າງ​ປື້​ມຄູ່​ມື​ນິຕິ​ກຳ ກ່ຽວ​ກັບ ການ​ຄວບ​ຄຸມ​​ບັນຫາ​ມົນ​ລະ​ພິດ;

 

-        ​ເພື່ອ​ຮຽນ​ຮູ້ ກ່ຽວ​ກັບ ການ​ຄວບ​ຄຸມ​ບັນຫາ​ມົນ​ລະ​ພິດ ​ຂອງໂຮງງານ​ອຸດສາຫະກຳ ​ແລະ ​ແກ້​ໄຂ​ບັນຫາ​ມົນ​ລະ​ພິດ​ໃຫ້​ຖຶກຕາມ​ເປົ້າ​ໝາຍ ​ແລະ

-        ​​ເພີ່ມ​ທະວີ​ຄວາມ​ຮູ້ທາງ​ດ້ານ​ວິຊາ​ການ ​ໃຫ້​ແກ່​ພະນັກງານວິ​ຊາ​ການ ທັງສູນ​ກາງ ​ແລະ ທ້ອງ​ຖິ່ນ​ໃນ​ການຕິດຕາມ​ບັນຫາ​ມົນ​ລະ​ພິດ ຈາກ​ຂະ​ບວນການ​ຜະລິດ ຂອງ​​ໂຮງງານ​ອຸດສາຫະກຳ.

ຜ່ານ​ການ​ປຶກສາ​ຫາລື ຕົວ​ຈິງ​ ບັນດາ​ພະນັກງນວິຊາ​ການ ສາມາດ​ຖອດ​ຖອນ​ບົດຮຽນ​ຕົວ​ຈິງ​ໄດ້​ດັ່ງນີ້:

-       ສາມາດ​ຮຽນ​ຮູ້ ​ແຫຼ່ງທີ່​​ເກີດ​ບັນຫາ​ມົນ​ລະ​ພິດ;

-       ​ວັດຖຸ​ດິບທີ່​ປ້ອນ​ເຂົ້າ​ໂຮງງານ​ອຸດສາຫະກຳ;

-       ທີ່​ຕັ້ງ ​ແລະ ສະພາບ​ຂອງ​ໂຮງງານ;

-       ການ​ຄວບ​ຄຸມບັນຫາ​ມົນ​ລະ​ພິດ ຈາກຂະ​ບວນການ​ຜະລິດ.

ແຜນການເຄື່ອນໄຫວໃນຕໍ່ໜ້າ:

-       ສຶບຕໍ່ ເກັບກຳຂໍ້ມູນບັນດາໂຮງງານອຸດສາຫະກຳ ຂອງແຕ່ລະເມືອງ ໃນແຂວງ ບໍລິຄຳໄຊ ໃຫ້ສຳເລັດ;

-       ຮ່າງ​ປື້​ມນິຕິ​ກຳ ​ກ່ຽວ​ກັບ ການ​ຄວບ​ຄຸມ​ບັນຫາມົນ​ລະ​ພິດ​ ຂອງ​ໂຮງງານ​ອຸດສາຫະກຳ.

-       ຂະຫຍາຍການສຳຫຼວດເກັບກຳຂໍ້ມູນ ບັນດາ​ໂຮງງານ​ອຸດສາຫະກໍາໄປຍັງແຂວງ​ເປົ້າ​ໝາຍອື່ນໆ ​ໃນ​ອານາ​ຄົດ.


LAST_UPDATED2